बुटवल ।

सुरक्षामा सधै चुनौती देखिएको रुपन्देहीमा ०७४÷०७५ मा सुधार देखिएको छ । गत बर्ष साउनमा रुपन्देही प्रहरी प्रमुख भएर एसपी श्याम ज्ञवाली यहाँ आएका थिए । उनले एक बर्षको अवधिमा आफुलाई अब्बल पुलिस अफिसरका रुपमा साबित गराएका छन् । उनले गरेको सुधारका कामको प्रशंशा गर्दै यहाँका बिभिन्न सामाजिक संस्थाले उनलाई सम्मानका साथ बिदाई गरेका छन् ।

एक बर्षको अवधिमा प्रहरीको मोष्ट वान्टेड सूचीमा रहेका मनोज पुन र सोम आले प्रहरी इन्काउन्टर मारिएका छन् । मनोज पुनको क्राइम कनेक्सनलाइ पनि सम्पूर्ण रुपले रुपन्देही प्रहरीले ध्वस्त पारेको छ । गएको फागुन एघार गते सिद्धार्थनगर नगरपालिका ५ मा बस्ने बर्ष २८ को पिन्टु भनिने हरिस सेठिया माथि गोलि प्रहार भएको घटना होस् वा मायादेबी गाउँपालिका वडा नम्बर दुईका अयुब खानलाई हत्या गर्ने अभियुक्त होस् यहाँको प्रहरी कार्वाहीमा ल्याएको छ ।

बिदाईका बेला ज्ञवालीले भने, ‘एक बर्ष अघि यहाँ सुरक्षामा निक्कै चिन्ता थियो । यही समयभित्र प्रदेश र संघीय संसदको चुनाव गर्नुपर्ने थियो । यसलाई बिस्तारै काबुमा लिन यहाँको प्रहरी सफल भयो ।’ त्यसोत व्यापक चन्दा असुली फिरौती ,लुटपाटका कारण उद्योगी ब्यापारीले निर्वाध रुपमा आफ्नो काम गर्न सकेका थिएनन् ।
राजनीतिक दलहरुलाई पनि गुण्डा नाइके मनोज पुनको टोलीले शृंखलाबद्ध रुपमा आक्रमण गरिरहेका थियो । बिप्लव माओवादीको चुनाव बिरोधि गतिबिधि र सिके राउतका बिखण्डनकारी गतिविधिले यहाँ एक किसिमको त्रास थियो ।
यस्ता खालका घटनाक्रमले शान्ति सुरक्षाको चुनौती निक्कै थियो । नेपाल प्रहरीले दृढताका साथ समन्वय गर्दै काम गरेका कारण पनि आफूहरु सप भएको ज्ञवालीको भनाई छ ।
एक बर्षको अवधिमा रुपन्देही प्रहरीले यहाँका जनतालाई महसुस हुने शान्ति सुरक्षा कायम गर्न सफल भएको स्थानीय ब्यपार िब्यवसायीको पनि भनाई छ ।

नेपाल भारतको खुला सिमानाका कारण लागू औषधको अबैध ओसार पसार रोक्नु पनि प्रहरीको दायित्व थियो । यो काममा पनि एक बर्षको अबधि स्तरीय नै देखिएको छ ।
रुपन्देही प्रहरीले सीमामा भारतीय प्रहरी सँग प्रभावकारी समन्वय र जनतासंग हातेमालो गर्दै लागू औषध दुरुपयोग नियन्त्रणका लागि सचेतना कार्यक्रमलाई प्रभावकारी बनाउनका लागि ६४ वटा समिति समेत गठन गरेको थियो । जसका कारण यो विकृतिलाई निरुत्साहित गरेको रुपन्देही प्रहरीले जनाएको छ । साथै खुला सिमानाकै कारण मानव बेचबिखनका घटनालाई पनि यहाँको प्रहरीले रोक्न सफल भएको अभिलेख बाट देख्न सकिन्छ ।

भारतको बनारस ,गोरखपुरमा सम्पर्क कार्यालय खोलेर नेपालका ग्रामीण इलाकाका युवा युवतीलाई फकाएर नेटवर्किङ्ग धन्दा चलाउने गिरोहका पाँच जनालाई पक्राउ गरेपछि यो काममा पनि गिरावट आएको देखिन्छ । मदिरामा प्रयोग गरिने करोडौ मूल्य बराबरको नक्कली स्टिकर पनि बरामद भएका छन् । यस्ता अभियुक्तलाई अदालतले धरौटी रकममा रिहा गरेपनि अभियुक्तले धरौटी रकम तिर्न नसक्दा रिहा नभएको प्रहरीले जनाएको छ ।
बेलहिया नाकाबाट ठूलो राशिको नगद र एसबी आइ बैंकको तीस लाखको चेक सहित पक्राउ परेका दिपककुमार मल्लिक र धनवन्त कुमार अग्रवाललाई अनुसन्धान र कारवाहीका लागि सम्पति शुद्धिकरण अनुसन्धान बिभाग ललितपुर पठाइएको एसपी ज्ञवालीले बताए । रुपन्देही आउनु पूर्व सर्लाही प्रहरी प्रमुख रहेका ज्ञवालीले त्यहाँ पनि आफ्नो भूमिकालाई प्रभावकारी ढंगले निर्बाह गरेको स्थानीयहरु वताउँछन् । अन्य जिल्लाको अनुभवलाइृ पनि प्रयोग गरेर। ज्ञवालीले रुपन्देहीको शान्ति सुरक्षामा निक्कै सुधार गरेका थिए ।

-ऋषि भट्टराई