• काठमाडौं । गएको २४ घण्टामा ६ हजार ५५९ मा कोरोना परीक्षण गर्दा थप ७४३ मा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा हालसम्म संक्रमित हुनेको संख्या दुई लाख ५५ हजार ९७९ पुगेको छ । यसै अवधिमा संक्रमणबाट थप ५ जनाको मृत्युसँगै हालसम्म मृत्यु हुनेको संख्या १ हजार ८०३ पुगेको मन्त्रालयले बताएको छ ।

    मन्त्रालयका अनुसार बुधबार थप ९५२ कोरोनामुक्त भई डिस्चार्ज भएका छन् । योसँगै कोरोनाबाट निको हुनेको संख्या दुई लाख ४६ हजार ६६१ पुगेको । त्यस्तै देशभर सक्रिय संक्रमितको संख्या ७ हजार ५१५ पुगेको छ ।