• काठमाडौं । गएको २४ घण्टामा ८९९ जना कोरोना संक्रमित थपिएका छन् । ५ हजार २४२ वटा नमुनाको परीक्षण भएकामा उक्त संख्यामा नयाँ संक्रमित थपिएका स्वास्थ्य तथा जनसंख्या मन्त्रालयले पुष्टि गरेको छ । मन्त्रालयले प्रकाशित गरेको विवरण अनुसार यस अवधिमा थप १५ जनाको यससम्बन्धी संक्रमणका कारण मृत्यु भएको छ । यसरी अहिलेसम्म नेपालमा कोरोना संक्रमितको कुल संख्या २ लाख ४७ हजार ५ सय ९३ पुगेको छ भने संक्रमणकै कारण ज्यान गुमाउनेहरु १ हजार ६८९ पुगेका छन् ।

    त्यसैगरी शनिबार ३ सय ५९ जना कोरोनामुक्त भएर डिस्चार्ज भएका छन् । नेपालमा अहिलेसम्म निको भएर घर फर्कनेको संख्या २ लाख ३४ हजार २३१ पुगेको मन्त्रालयको तथ्यांकमा उल्लेख गरिएको छ । मन्त्रालयका अनुसार देशभर बाँकी सक्रिय संक्रमित ११ हजार ६७३ पुगेका छन् भने कोरोनाकै आशंकामा क्वारेन्टाइनमा ५१९ जना रहेका छन् ।