• काठमाडौं । गएको २४ घण्टामा काठमाडौं उपत्यकामा मात्र ५ सय ९४ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जानकारी दिएको छ । यसरी संक्रमित हुनेमा महिला २ सय ६३ र पुरुष ३ सय ३१ जना छन् । यीमध्ये काठमाडौंमा ४१२, ललितपुरमा ११३ र भक्तपुरमा ६९ जना संक्रमित थपिएका हुन् ।

    मन्त्रालयले मंगलबार सार्वजनिक गरेको विवरण अनुसार उपत्यकासहित मुलुकभरमा थप १ हजार ३८२ जनामा संक्रमण र २३ को मृत्यु भएको पुष्टि भएको छ । त्यसैगरी आज कोरोनामुक्त भएर १ हजार ६२१ जना डिस्चार्ज भएका छन् । बाँकी सक्रिय संक्रमितको संख्या १२ हजार ६८६ रहेको छ ।