• काठमाडौं । गएको २४ घण्टामा थप २६६ जनामा कोरोना संक्रमण देखिएको स्वास्थ्य तथा जनसंख्या मन्त्रालयले पुष्टि गरेको छ । मन्त्रालयका अनुसाय यस अवधिमा ४ हजार ५३६ वटा नमूनाको पीसीआर परिक्षण भएको थियो । यीसँगै नेपालमा कोरोना संक्रमितको हालसम्मको संख्या २ लाख ७८ हजार २१० पुगेको छ।

    त्यसैगरी यसै अवधिमा मुलुकभरबाट थप १०२ जना कोरोनामुक्त भएर घर फर्किएका छन् । यसरी अहिलेसम्म निको हुनेको संख्या दुई लाख ७३ हजार ३४२ पुगेको छ । मन्त्रालयको पछिल्लो विवरणअनुसार २४ घन्टाको अवधिमा यसकै कारण ४ जनाको मृत्यु भएको छ । यो सहित नेपालमा कोरोनाबाट मृत्यु हुनेको संख्या ३ हजार ३६ पुगेको छ ।