काठमाडौं । गएको २४ घण्टामा देशभरबाट ११४ जना सक्रिय संक्रमित थपिएका छन् भने ९४ जना संक्रमणमुक्त भएका छन् । आज सङ्क्रमणमुक्त भएका ९४ समेत गरी आजसम्म दुई लाख ७१ हजार ४९५ संक्रमणमुक्त भएको मन्त्रालयले जनाएको छ । आजसम्म निको हुने दर ९८ दशमलव छ प्रतिशत रहेको छ । योसँगै जम्मा संक्रमितको संख्या दुई लाख ७५ हजार ४२४ पुगेको छ ।

काठमाडौँमा ३४ नयाँ संक्रमित फेला परेका छन् । पछिल्लो २४ घण्टामा देशभरका प्रयोगशालामा गरी दुई हजार ७९० नमूना परीक्षण भएको थियो । हालसम्म २२ लाख २१ हजार ५१२ नमूना परीक्षण भइसकेको छ । प्रति १० लाख जनसंख्यामा ७६ हजार २४४ परीक्षण भएको बताइएको छ ।

कोरोनाका कारण हालसम्म देशभरका तीन हजार १४ को मृत्यु भइसकेको छ । पछिल्लो २४ घण्टामा भने कोभिडका कारण कसैले पनि ज्यान गुमाएका छैनन् । हाल क्वारेन्टाइनमा रहेकाको सङ्ख्या ५१ रहेको बताइएको छ । सरकारले देशभरमा हाल कोरोनाविरुद्धको खोप लगाइरहेको छ । आजसम्म खोप लगाउनेको संख्या १६ लाख पाँच हजार ७०६ रहेको छ ।