काठमाडौं । पछिल्लो २४ घण्टामा थप २७० जनामा कोरोना भाइरस देखिएको छ । स्वास्थ्य तथा जनसंख्या मन्त्रालयका अनुसार २७० सँगै हालसम्म कोरोना संक्रमित हुनेको कूल संख्या दुई लाख ६९ हजार ४५० पुगेको छ ।

त्यसैगरी २४ घण्टामा थप ७ जनाको कोरोनाबाट मृत्युसँगै हालसम्म मृत्यु हुनेको सङ्ख्या दुई हजार एक पुगेको छ । पछिल्लो २४ घण्टामा ४०३ जना कोरोना निको भएर फर्किएसँगै कोरोनाबाट निको हुनेको कूल संख्या दुई लाख ६४ हजार १३७ पुगेको छ ।