• काठमाडौं । गएको २४ घण्टामा थप ४ सय २१ कोरोना संक्रमित थपिएका छन् । जसमा १७५ महिला र २४६ पुरुष छन् । यस अवधिमा ५ हजार ८०० वटा नमूनाको परिक्षण भएकामा उक्त संख्यामा नयाँ संक्रमित थपिएको स्वास्थ्य तथा जनसंख्या मन्त्रालयले आइतबार पुष्टि गरेको हो । यीसँगै नेपालमा अहिलेसम्म संक्रमितको कुल संख्या २ लाख ६१ हजार ८५९ पुगेको छ । त्यसैगरी २४ घण्टामा संक्रमणका कारण थप ८ को मृत्यु भएको छ । यसरी नेपालमा कोरोनाकै कारण हालसम्म १ हजार ८७८ जनाको ज्यान गएको छ ।

    मन्त्रालयका अनुसार कोरोनामुक्त भएर निको हुनेको संख्या २ लाख ५४ हजार ४९४ पुगेको छ । आइतबारमात्रै ६३७ जना डिस्चार्ज भएका छन् । त्यस्तै आज थपिएका नयाँसहित देशभर सक्रिय संक्रमितको संख्या ५ हजार ४८७ पुगेको छ भने हालसम्म क्वारेन्टाइनमा रहनेको संख्या ३६७ रहेको छ । मन्त्रालयले सार्वजनिक गरेको तथ्यांकअनुसार नेपालमा अहिलेसम्म पीसीआर विधिबाट १९ लाख ४८ हजार ५०२ परीक्षणहरु भएका छन् ।

    काठमाडौं उपत्यकामा १९७ जनामा संक्रमण
    आज काठमाडौं उपत्यकामा मात्रै १९७ जना संक्रमित थपिएका छन् । तीमध्ये काठमाडौंका १६०, ललितपुरका २६ र भक्तपुरका ११ जना रहेका मन्त्रालयले जनाएको छ ।