• काठमाडौं । विगत २४ घण्टामा ६५९ जनामा कोरोना भाइरस संक्रमण देखिएको छ । यस अवधिमा ५ हजार ५७८ पीसीआर परीक्षण भएकोमा उक्त संख्यामा नयाँ संक्रमित थपिएका हुन् । जसमा २५२ महिला र ४०७ पुरुष रहेका स्वास्थ्य तथा जनसंख्या मन्त्रालयले सोमबार पुष्टि गरेको छ । यीसँगै नेपालमा कोरोना संक्रमितको संख्या २ लाख ५८ हजार ८४० पुगेको छ ।

    मन्त्रालयले सोमबार प्रकाशित गरेको विवरणअनुसार २४ घण्टामा थप ७ जनाको संक्रमणका कारण मृत्यु भएको छ । यसरी अहिलेसम्म ज्यान गुमाउनेको संख्या १ हजार ८३२ रहेको छ । त्यसैगरी अहिलेसम्म कोरोना जितेर निको हुनेको संख्या २ लाख ५० हजार ५८१ पुगेको छ भने आजमात्रै ७१८ जना डिस्चार्ज भएका छन् ।

    देशभर बाँकी सक्रिय संक्रमितको संख्या ६ हजार ४४५ रहेको मन्त्रालयलेको तथ्यांकमा उल्लेख गरिएको छ भने क्वारेन्टाइनमा ३६९ जना रहेका छन् ।