• काठमाडौं । सोमबार काठमाडौं उपत्यकामा मात्र १ हजार ७ जनामा कोरोना संक्रमण देखिएको स्वास्थ्य तथा जनसंख्या मन्त्रालयले पुष्टि गरेको छ । तीमध्ये महिला ४५४ र पुरुष ५५३ रहेका छन् । जसअनुसार काठमाडौंमा ७७९, ललितपुरमा १४३ र भक्तपुरमा ८५ जना रहेको मन्त्रालयले जनाएको छ ।

    त्यसैगरी २४ घण्टाको अवधिमा देशभरबाट संक्रमित हुनेको संख्या १ हजार ९८० जना भएका मन्त्रालयको तथ्यांकमा उल्लेख गरिएको छ । मन्त्रालयका अनुसार यसै अवधिमा थप १६ को मृत्यु भएसँगै नेपालमा अहिलेसम्म कोरोनाकै कारण ज्यान गुमाउनेको कुल संख्या १ हजार ३३७ पुगेको छ । आजमात्रै ३ हजार ४३ जना कोरोनामुक्त भएर डिस्चार्ज भएका छन् । आज थपिएका नयाँसहित मुलुकभर सक्रिय संक्रमितको संख्या १८ हजार ८८४ पुगेका मन्त्रालयले सार्वजनिक गरेको विवरणमा उल्लेख गरिएको छ ।