• काठमाडौं । पछिल्लो २४ घण्टामा १ हजार ९८० जनामा कोरोना संक्रमण पुष्टि भएको विवरण स्वास्थ्य तथा जनसंख्या मन्त्रालयले सार्वजनिक गरेको छ । मन्त्रालयले सार्वजनिक गरेको विवरण अनुसार यस अवधिमा १० हजार ३ सय ८१ वटा नमूनाको पीसीआर परीक्षण भएका थिए । यीसँगै नेपालमा कोरोना संक्रमितको कुल संख्या २ लाख २२ हजार २ सय ८८ पुगेको छ ।

    त्यसैगरी नेपालमा कोरोनाकै कारण अहिलेसम्म ज्यान गुमाउनेको संख्या १३ सय ३७ पुगेको छ । सोमबारमात्र थप १६ जनाको कोरोना संक्रमणबाट मृत्यु भएको मन्त्रालयको तथ्यांकमा उल्लेख गरिएको छ । मन्त्रालयका अनुसार आज नै ३ हजार ४३ कोरोनामुक्त भएर डिस्चार्ज भएका छन् । यसरी अहिलेसम्म निको हुनेको संख्या २ लाख २० हजार ६७ जना पुगेको छ ।

    आज थपिएका नयाँसहित मुलुकभर सक्रिय संक्रमितको संख्या १८ हजार ८८४ पुगेका छन् । त्यस्तै कोरोनाको आशंकामा हाल ६२९ जना क्वारेन्टाइनमा रहेको मन्त्रालयको विवरणमा उल्लेख गरिएको छ ।