काठमाडौँ । बुधवार थप २०१ जनामा कोभिड–१९ पुष्टि भएको । स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा. विकास देवकोटाले विभिन्न प्रयोगशालामा गरिएको परीक्षणमा २०१ जनामा सङ्क्रमण पुष्टि भएको जानकारी दिएका हु्न् । योसँगै नेपालमा कोरोना संक्रमितको संख्या २३ सय सय पुगेको छ ।

त्यसैगरी बुधबार दोलखाका कोरोना संक्रमित ७६ वर्षीय पुरुषको त्रिविवि शिक्षण अस्पतालमा उपचारका क्रममा मृत्यु भएको प्रवक्ता देवकोटाले जानकारी दिए । अब कोरोनाका कारण नेपालमा मृत्यु हुनेको संख्या नौ पुगेको छ ।

थपिएका नयाँ संक्रमितहरुमा धनकुटाका १, सप्तरीका १, ताप्लेजुङका ३, झापाका २, पाँचथरका १, सुनसरीका ७, पर्साका ७, दैलेखका ७, सल्यानका ३, मोरङका २, तेह्रथुमका १, सुनसरीका १, कैलालीका ३, डोटीका २, कपिलवस्तुका ६९, पाल्पाका २, रूपन्देहीका २७, महोत्तरीका ९, कालीकोटका ७, दाङका ५, प्युठानका २, धनुषाका १, काठमाडौं मेडिकल कलेज र टोखाका ३, नवलपरासीका ८, रौतहटका ११, सर्लाहीका १५, सिन्धुपाल्चोकका १ जनामा संक्रमण देखिएको मन्त्रालयका प्रवक्ता देवकोटाले बताए । नयाँ संक्रमितमध्ये २२ जना महिला र १७९ जना पुरुष रहेका छन् ।

मन्त्रालयका अनुसार हालसम्म नेपालमा पीसीआर विधिबाट ८० हजार २ सय ६७ र आरडीटी विधिबाट १ लाख २० हजार ३ सय ७९ नमुना परीक्षण भएका छन् । अहिले देशभरि १ लाख ५५ हजार ८ सय ६८ मानिस क्वारेन्टिनमा रहेको मन्त्रालयले जनाएको छ ।