

-
काठमाडौं । स्वास्थ्य तथा जनसंख्या मन्त्रालयले आइतबार थप २४६ जना कोरोना संक्रमित थपिएको बताएको छ । मन्त्रालयका प्रवक्ता डा. जागेश्वर गौतले पछिल्लो २४ घण्टामा देशको विभिन्न प्रयोगशालामा भएको परीक्षणका क्रममा २४६ संक्रमित थपिएको पुष्टि गरेका हुन् । यीसँगै नेपालमा संक्रमितको संख्या २० हजार ३ सय ३२ पुगेको हो । सो अवधिमा ८ हजार ८६१ वटा नमूनाको परीक्षण भएको उनले जानकारी दिएका थिए ।
आज थपिने नयाँ संक्रमितमा काठमाडौं उपत्यकामा मात्र ३१ जना रहेका छन् । जसमा काठमाडौंका २२, ललितपुरका ८ र भक्तपुरका १ जना रहेको प्रवक्ता गौतमले पुष्टि गरेका हुन् ।
मन्त्रालयको कोभिड–१९ अपडेटका क्रममा प्रवक्ता डा. गौतमले थप एकको संक्रमणका कारण मृत्यु भएको पुष्टि गरेका छन् । मृत्यु हुनेमा वीरगन्ज महानगरपालिका–१६ नगवाकी ६८ वर्षीया महिला रहेकी छन् । ज्वरो र निमोनिया भएपछि उपचारका लागि साउन १३ गते नारायणी बयोधा अस्पतालमा भर्ना भएकी उनलाई संक्रमण पुष्टि भएकापछि कोभिड अस्पतालमा उपचारका लागि ल्याउँदै गर्दा शनिबार साँझ बाटोमै मृत्यु भएको प्रवक्ता डा. गौतमले बताए । उनमा शुक्रबार रातिमात्र संक्रमण पुष्टि भएको थियो । उनी मधुमेह तथा उच्च रक्तचाप रोगले पीडित भएको बताइएको छ । अब नेपालमा कोरोनाबाट मृत्यु हुनेको संख्या ५७ पुगेको छ ।
त्यसैगरी पछिल्लो २४ घण्टामा १ सय ११ जना कोरोना जितेर निको भइ डिस्चार्ज भएका छन् । यीसहित हालसम्म निको हुनेको संख्या १४ हजार ६०३ पुगेको मन्त्रालयले जानकारी दिएको छ ।
मन्त्रालयका अनुसार हाल विभिन्न कोरोना उपचार अस्पतालमा ५ हजार ६७२ जना सक्रिय संक्रमितको आइसोलेसनमा उपचार भइरहेको छ । अहिले मुलुकभरका क्वारेन्टाइनमा १० हजार ९६४ जना रहेका छन् । त्यस्तै पाँच सय बढी संक्रमित हुने जिल्लामा रौतहट र कैलाली छन् भने संक्रमित नभएकामा भोजपुर, संखुवासभा, रसुवा, मनाङ र मुस्ताङ जिल्ला छन् ।
News Desk 0 response आइतवार, साउन १८, २०७७

सम्बन्धित शीर्षकहरु
-
प्रधानमन्त्रीको दिल्ली भ्रमण : नेपालको आर्थिक भविष्य..
बुधबार, मंसिर ३, २०८३ -
ट्रम्प चीनमाः सी र पुटिनसँग त्रिपक्षीय शिखर..
बुधबार, मंसिर ३, २०८३ -
एनपीएल : सुदूरपश्चिमलाई ६ विकेटले पराजित गर्दै..
मङ्लबार, मंसिर २, २०८३ -
सहकारी ठगी : ढोरपाटनका मेयर देवकुमार नेपालीलाई..
मङ्लबार, मंसिर २, २०८३ -
सिन्धुलीको अधेरी खोलामा माइक्रोबस दुर्घटना, १४ जना..
मङ्लबार, मंसिर २, २०८३
-
प्रधानमन्त्रीको दिल्ली भ्रमण : नेपालको आर्थिक भविष्य..
बुधबार, मंसिर ३, २०८३ -
सहकारी ठगी : ढोरपाटनका मेयर देवकुमार नेपालीलाई..
मङ्लबार, मंसिर २, २०८३ -
सिन्धुलीको अधेरी खोलामा माइक्रोबस दुर्घटना, १४ जना..
मङ्लबार, मंसिर २, २०८३ -
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
स्थानीय तह निर्वाचन गर्ने मिति मंसिर पहिलो..
सोमवार, मंसिर १, २०८३
-
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
छठ पर्व : अस्ताउँदो सूर्यलाई अर्घ्य दिइयो
आइतवार, कार्तिक ३०, २०८३ -
सर्वोच्चका नवनियुक्त ४ न्यायाधीशले शपथ लिए
शुक्रबार, कार्तिक २८, २०८३ -
काठमाडौंबाट रारा जाँदै गरेको जीप मुगुमा दुर्घटना,..
आइतवार, कार्तिक ३०, २०८३ -
अब हरेक कार्यालयले ई–पेन्सन सेवा दिनुपर्ने
शुक्रबार, कार्तिक २८, २०८३


