काठमाडौं : नेपाली कांग्रेसको १५औँ महाधिवेशनअन्तर्गत केन्द्रीय कार्यसमिति चयनका लागि मतदान चलिरहेको छ । आज बिहान ८ बजेदेखि मतदान सुरू भएको थियो ।

यसअघि बिहान ७ बजे मतदान शुरू गर्ने र दिउँसो ३ बजेसम्म सकिने भनिए पनि ढिलो मतदान शुरू भएको र मत खसाल्न प्रतिनिधिलाई समय लागेकाले लम्बिएको छ । मतदानको समय बेलुका ५ बजेसम्मका लागि थप गरेकोमा नसकिएपछि फेरि बेलुका ७ बजेसम्मका लागि थप भएको निर्वाचन समितिले जनाएको छ ।

मतदान गर्न १ जनालाई झन्डै आधा घण्टाको समय लागेको छ । १ जनाले २३ जनालाई मतदान गर्नुपर्छ ।

७ हजार ३१७ जना महाधिवेशन प्रतिनिधिले मतदान गर्नेछन् । मतदानका लागि खुलामञ्च, राष्ट्रिय सभागृह र प्रज्ञा भवन गरी ३ वटा केन्द्र तोकिएको छ ।

कांग्रेसको नयाँ नेतृत्वका लागि सभापतिमा गगन थापा र श्यामकृष्ण खड्गी उम्मेदवार छन्। निर्वाचन समितिले मतदान सकिएपछि मतगणना शुरू गर्ने जनाएको छ । मतगणना पार्टी कार्यालय सानेपामा गर्ने तयारी छ ।