निरन्तर कमजोर ब्याटिङ प्रदर्शन गरेको नेपाली युवा टोलीले यु–१९ एसिया कपमा सोमबार लगातार दोस्रो हार बेहोरपछि प्रतियोगिताबाट बाहिरिएको छ । पहिलो खेलमा भारतसँग पराजित भएको नेपालले दोस्रो खेलमा अफगानिस्तानलाई ३ विकेटको नतिजा सुम्पिएको हो ।

बंगलादेशस्थित क्रिरा शेख प्रतिष्ठानको चार नम्बर ग्राउन्डमा टस जितेर ब्याटिङ थालेको नेपालले ३८.३ ओभरमा सबै विकेट गुमाएर १ सय ३१ रन बनाएको थियो, जुन अफगानिस्तानले ३७।३ ओभरमा ७ विकेट गुमाएर पूरा गर्यो । हारसँगै नेपालको अघिल्लो चरण पुग्ने सम्भावना समाप्त भएको छ । नेपालले अब समूह चरणको अन्तिम खेलमा भोलि मंगलबार युनाइटेड अरब इमिरेट्स ९यूएई०सँग प्रतिस्पर्धा गर्नेछ । मंगलबारै अफगानिस्तानले भारतविरुद्ध खेल्नेछ । साविक विजेता भारत ४ अंकका साथ शीर्ष स्थानमा छ । समान ४ अंक नै जोडेको अफगानिस्तान रनरेटका आधरमा दोस्रो स्थानमा छ । दुई खेलमा कुनै अंक नजोडेको युएई र नेपाल क्रमशः तेस्रो र चौथो स्थानमा छन् ।