काठमाडौं ।

बैशाख ३ गते ४ करोड रुपैयाँ सरकारी रकम लिएर फरार भएका उदयपुरको कटारी नगरपालिकाका लेखा अधिकृत रविनचन्द्र ढकाल काठमाडौमा पक्राउ परेका छन् । एक करोड ९८ लाख ७५ हजार दरका दुई वटा चेक उनले आफ्नो खातामा जम्मा गरेका थिए। आफ्नो खाताबाट पनि उनले पैसा निकालिसकेको र खातामा २७ लाख मात्र भएको खुलेको थियो।

अख्तियार दुरुपयोग अनुसन्धान आयोगको टोलीले उनलाई ज्ञानेश्वरबाट पक्राउ गरेको हो। कोष तथा लेखा नियन्त्रण कार्यालयबाट सामाजिक सुरक्षा भत्ताको पैसापैसा निकालेर उनी सम्पर्कविहित भएका थिए।