-
काठमाडौं ।
पूर्व प्रहरी अधिकारीहरुले ३ सय १५ जना प्रहरी अनाबश्यक रुपमा प्रयोग गर्दे आएको खुलेको छ । ती सहित पूर्व बिशिष्ट अधिकारीको घरमा कार्यरत ४५ जनालाई पनि फिर्ता गर्न गृहले निर्देशन दिएको छ।
अवकाशप्राप्त उच्च प्रहरी अधिकारीले एक जना प्रहरी सुरक्षाका लागि पाउने भएपनि ३,४ जना सम्मलाई लिएर घरेलु काममा लगाउदै आएका छन्।
सुरक्षाकर्मीलाई घरमा कामदारको रुपमा राख्ने, सुरक्षा खतरा नभएकाहरुले पनि पहुँचको भरमा सुरक्षाकर्मीलाई पिएसओको रुपमा राख्ने लगायतका गुनासो आएपछि गृहमन्त्रालयले शुक्रबार नेपाल प्रहरी र सशस्त्र प्रहरी बललाई त्यस्ता सुरक्षाकर्मीलाई सात दिनभित्र फिर्ता गरी सोको जानकारी मन्त्रालयलाई दिन निर्देशन दिएको हो। नेपाल प्रहरी र सशस्त्र प्रहरीका पूर्वआईजिपी, एआईजी र डिआईजीले ठुलो मात्रामा पूर्व प्रहरीको दुरुपयोग गदैे आएका छन्।
