काठमाडौँ । अख्तियार दुरुपयोग अनुसन्धान आयोगको टोलीले यातायात व्यवस्था कार्यालय ठूलोभर्‍याङ, स्वयम्भूका दुई कर्मचारीलाई घुससहित पक्राउ गरेको छ ।

कार्यालयका सह(लेखापाल देवेन्द्र गोइत र मेडिकल सहायक नारायण श्रेष्ठलाई अख्तियारको टोलीले १६ हजार रुपैयाँ घुससहित अख्तियारको केन्द्रीय कार्यालयबाट खटिएको टोलीले पक्राउ गरेको हो ।

उनीहरुले ट्रायल परीक्षा पास गरेका २६ परीक्षार्थीहरुबाट राजश्वबाहेक थप रकम घुसस्वरुप मागिरहेको सूचना पाएपछि अख्तियारको टोली त्यहाँ पुगेको थियो ।

दुवैजनालाई अख्तियारको टोलीले सहलेखापाल गोइतको कार्यकक्षबाटै पक्राउ गरेर हिरासतमा लिएको छ । उनीहरुलाई टंगालस्थित अख्तियारको केन्द्रीय कार्यालयको हिरासतमा राखेर अनुसन्धान थालिएको प्रवक्ता तथा सहसचिव रामेश्वर दंगालले जानकारी दिए ।