-
काठमाडौं : अख्तियार दुरूपयोग अनुसन्धान आयोगले भूमि प्रशासन कार्यालय मनाङमा कार्यरत नायब सुब्बा ज्ञानराज कण्डेललाई ४० हजार रूपैयाँ घुससहित नियन्त्रणमा लिइएको छ।
जग्गा रोक्का गर्ने काममा सहजीकरण गरिदिने भन्दै सेवाग्राहीसँग ४० हजार रूपैयाँ घुस लिइसकेको अवस्थामा कण्डेल पक्राउ गरेको अख्तियारका प्रवक्ता सुरेश न्यौपानेले जानकारी दिए।
उनलाई अख्तियारको पोखरा कार्यालयबाट खटिएको टोलीले शनिवार नियन्त्रणमा लिएको हो।
अख्तियारको अनुसार नायब सुब्बा कण्डेलले सेवाग्राहीबाट घुसस्वरूप ४० हजार रुपैयाँ लिइसकेको अवस्थामा उनलाई नियन्त्रणमा लिइएको हो।
साथसाथै नियन्त्रणका क्रममा स्रोत नखुलेको थप २१ हजार ७० रुपैयाँसमेत बरामद भएको छ।
