सोमालियाको एक एयरलाइन्सले आफ्नो यात्रुवाहक विमानलाई राजधानीको अन्तर्राष्ट्रिय विमानस्थलको छेउमा रहेको समुन्द्री किनारमा अवतरण गराएको छ । यसरी विमानलाई अवतरण गराएपछि विमान चालहहरूको प्रशंसा गरिएको छ ।

विमानमा रहेका सबै ५५ जना सकुशल रहेका बीबीसीले जनाएको छ । विमान कम्पनी स्टारस्की एभिएसनले ५० यात्रु र पाँच चालक दलका सदस्यलाई बचाउन तत्कालै गरिएको सुझपूर्ण सोंच निक्कै महत्त्वपूर्ण रहेको बताएको छ ।

सोमालियाको नागरिक उड्डयन प्राधिकरण (सीएए) ले हिजो मोगादिशुबाट उडान भरेको केही समयपछि विमानका चालक दलले समस्याको रिपोर्ट गरेका र विमान फिर्ता गर्न अनुरोध गरेको जनाएको छ ।

त्यसपछि विमान अवतरण भयो तर धावनमार्गमा रोक्न असफल भएपछि समुन्द्री किनारमा अवतरण गरेको अन्तर्राष्ट्रिय सञ्चारमाध्यमले जनाएका छन् ।