-
इजरायली प्रधानमन्त्री बेन्जामिन नेतान्याहुले प्यालेस्टाइनलाई स्वतन्त्र राष्ट्रको मान्यता दिने नेताहरूको आलोचना गरेका छन् ।
अमेरिकी राष्ट्रपति डोनाल्ड ट्रम्पसँग वार्ता गर्न अमेरिका जानुअघि नेतान्याहुले पश्चिमा नेताहरूले आतङ्कवादीलाई इजरायलको मुटुमा राज्य दिन चाहेका भन्दै आलोचना गरेको समाचार संस्था एएफपीले जनाएको छ ।
प्रधानमन्त्री नेतान्याहुले प्यालेस्टाइनलाई स्वतन्त्र राष्ट्रको मान्यता दिने घोषणाको विरुद्धमा बोल्ने पनि बताए। उनले हिजो पश्चिमा नेताहरूले ‘प्यालेस्टिनी आतङ्कवाद’ को अगाडि लज्जास्पद आत्मसमर्पण गरेको टिप्पणी गरेका थिए ।
बेलायत, क्यानडा, अस्ट्रेलिया, फ्रान्सलगायतका देशले प्यालेस्टाइनलाई स्वतन्त्र राष्ट्रको मान्यता दिने घोषणा गरिसकेका छन् ।
यसैबीच इजरायलले गाजा शहरमाथिको आक्रमण बढाएको छ । प्यालेस्टिनी एन्क्लेभमा इजरायली आक्रमणमा परी आज कम्तीमा १९ जनाको ज्यान गएको स्थानीय स्वास्थ्य अधिकारीहरूले बताएका छन् ।
पछिल्ला हप्ताहरूमा इजरायली सेनाले गाजा शहरमा भूमिगत आक्रमण तीव्र पारेपछि लाखौं मानिस विस्थापित हुन बाध्य भएका छन् ।
सम्बन्धित शीर्षकहरु
