

-
काठमाडौं : तिहारको पाँच दिने लामो विदालाई सदुपयोग गर्दै तनहुँको शुक्लागण्डकी नगरपालिका–६ स्थित झाँगाझोलीमा आन्तरिक पर्यटकको चहलपहल बढेको छ । पर्यटकको भिड लाग्न थालेसँगै पर्यटन व्यवसायी उत्साहित भएका छन् ।
यहाँ रिसोर्ट सञ्चालनमा ल्याएसँगै चहलपहल बढ्न थालेको रिसोर्टका प्रबन्धक रावन्त आचार्यको भनाइ छ । नेपालीहरुको दोश्रो ठूलो चाड तिहार लागेसँगै दैनिक आन्तरिक पर्यटकको भिड वढ्न थालेको छ । यो क्षेत्र धार्मिक पर्यटकीयस्थलको रुपमा विकास भएको छ ।
धार्मिक पर्यटकीयस्थलको रुपमा परिचित तीनखोले मन्दिर नजिकै झाँगाझोली रहेको छ । मन्दिर जानेआउने एवं भक्तजन र पर्यटकहरु यस झाँगाझोलीमा आउने गरेका छन् । दसैं पर्वमा सुरु भएसँगै कर्मचारी, विद्यार्थीले लामो छुट्टी पाउने भएकाले हाल चहलपहलमा वृद्वि हुन थालेको झाँगाझोलीका सञ्चालक शङ्खरप्रसाद अधिकारीले जानकारी दिए ।
अधिकारीका अनुसार रातको समयमा देखिने आकर्षक किसिमको गौरादेवी नेचुरल पार्कको अवलोकन गर्न बढी भीड लाग्छ । अधिकारीले भने, ‘तिहारका कारण विद्यालय बिदा भएसँगै व्यवस्थित चिल्ड्रेन पार्ककमा रमाउन बालबालिकाको पनि उत्तिकै घुँइचो लाग्ने गरेको छ ।’
पृथ्वी राजमार्गको खैरेनीटार बजारबाट दुई दशमलव पाँच किलोमिटर दूरीमा झाँगाझोली रहेको छ । रिसोर्ट करिब १७ रोपनी क्षेत्रफलमा फैलिएको छ । यसमा तीन जना सञ्चालकले करिब २ करोड रुपियाँ लगानी गरेका छन् । झाँगाझोलीले ग्राहकको मागलाई मध्यनजर गर्दै तन्दुरी कर्नर समेत सञ्चालनमा ल्याएको अधिकारीले बताए । इण्डियाको तन्दुरी रेष्टुरेण्टमा लामो काम गरेका उत्कृष्ठ सेफले तयार पारेका विभिन्न स्वादिष्ठ परिकारहरुले आगन्तुकलाई मनै लोभ्याउने गरेको छ ।

आन्तरिक तथा बाह्य गरी दैनिक तीनसय जना पर्यटक घुम्नको लागि आउने गरेको अधिकारीले जानकारी दिए । उनका अनुसार पर्यटकलाई थप आकर्षित गर्न जडीबुटी तथा नमुना पाङ्गरिक तरकारी खेती समेत सुरु गरिएको छ । करिब ५ रोपनी क्षेत्रफलमा तरकारी खेती गरिएको छ ।
एकीकृत नमुना कृषितर्फ च्याउ र मौरी जडिबुटीको खेती थालिएको छ । बिहानको समयमा यस स्थानबाट देखिने हरियाली जंगलको मनमोहक दृश्य र खोलाको कलकल आवाज र शान्त एकान्त स्थलले पर्यटकलाई आनन्द दिलाउने गरेको छ । झाँगाझोलीमा रात विताउनेहरुको लागि एसीसहितको अत्याधुनिक व्यवस्थासहितका लक्जरी कोठा छन् ।
News Desk 0 response शुक्रबार, कार्तिक १६, २०८१

सम्बन्धित शीर्षकहरु
प्रधानमन्त्रीको दिल्ली भ्रमण : नेपालको आर्थिक भविष्य बदल्ने अवसर कि पुरानै आश्वासन ?
बुधबार, मंसिर ३, २०८३-
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३ -
प्रधानमन्त्रीको दिल्ली भ्रमण : नेपालको आर्थिक भविष्य..
बुधबार, मंसिर ३, २०८३ -
ट्रम्प चीनमाः सी र पुटिनसँग त्रिपक्षीय शिखर..
बुधबार, मंसिर ३, २०८३ -
एनपीएल : सुदूरपश्चिमलाई ६ विकेटले पराजित गर्दै..
मङ्लबार, मंसिर २, २०८३
-
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३ -
प्रधानमन्त्रीको दिल्ली भ्रमण : नेपालको आर्थिक भविष्य..
बुधबार, मंसिर ३, २०८३ -
सहकारी ठगी : ढोरपाटनका मेयर देवकुमार नेपालीलाई..
मङ्लबार, मंसिर २, २०८३ -
सिन्धुलीको अधेरी खोलामा माइक्रोबस दुर्घटना, १४ जना..
मङ्लबार, मंसिर २, २०८३
-
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
छठ पर्व : अस्ताउँदो सूर्यलाई अर्घ्य दिइयो
आइतवार, कार्तिक ३०, २०८३ -
सर्वोच्चका नवनियुक्त ४ न्यायाधीशले शपथ लिए
शुक्रबार, कार्तिक २८, २०८३ -
काठमाडौंबाट रारा जाँदै गरेको जीप मुगुमा दुर्घटना,..
आइतवार, कार्तिक ३०, २०८३ -
अब हरेक कार्यालयले ई–पेन्सन सेवा दिनुपर्ने
शुक्रबार, कार्तिक २८, २०८३


