काठमाण्डौं ।

केही दिनअघि महालेखा नियन्त्रकको नेतृत्वमा स्वास्थ्य, शिक्षा, बित्त आयोगको टोली युएसएडको सहयोगअन्तर्गत अमेरिका गयो, तालिम लिने भन्दै । तालिम सकिएपछि एक डेढ हप्ता घुम्ने योजना थियो ।

तर, यताबाट भनियो, ‘बिदा स्वीकृत हुँदैन, छिटो फर्किएर आऊ ’ उनीहरू गए, भनिएकै मितिमा फर्किएर आए पनि । त्यहीबेला प्रधानसेनापति पूर्णचन्द्र थापा अमेरिका पुगेका थिए । न्युयोर्क, वासिङ्गटनका कार्यक्रम सिध्याएर साढुभाइलाई भेट्न बोस्टन जाने काम पनि सके । फर्किंदा एक दिनको बिदा छोट्याए ।

महालेखा परीक्षक टंकमणि शर्माका हकमा पनि त्यस्तै भयो । तर, युएसएडको पैसामा गएकालाई टुप्पी कसेर फिर्ता पठाइयो । छिट्टै फर्किएको सूर्य गौतमको टोलीसँग टंकमणिको कतारमा भेट भयो ।

खासमा नेपाललाई अमेरिकाले दिने अनुदान सहयोग रकमबाट कटाएर सूर्य गौतमहरू गएका थिए । सचिव तहको मान्छे तालिममा जाने कुरा सहजै पत्याइहाल्न मिलेन ।

यसर्थ युएसएडको मान्छेलाई बोलाई तालिममा गएका मान्छेहरूको सिकाई कस्तो रहेछ भनेर अनुगमन गर्ने निहुँ बनाउन लगाए । उनको भ्रमण स्वीकृति मन्त्रिपरिषद्बाट रोकिएको थियो ।

पछि बालुवाटारबाट फोन गराएर गइछाडे । तालिमबाट के सिके कुन्नी, तर गतहप्ता भूमिसुधार सचिव भएर गएका छन् । स्मरणीय छ, उनै सूर्य गौतमले सहसचिव हुँदा लोकसेवामा बिज्ञका रुपमा गएर आफ्नै श्रमतीको कापी जाँचेका थिए ।

यो बिषयमा सर्वोच्चमा मुद्धा पनि परेको थियो । सर्वोच्चका तत्कालिन न्यायाधीश दामोदर शर्माको ईजलाशले उनको कामलाई अबैध भनेर मुद्धा हराईदिएको थियो । उनको अबैध कामको पक्षमा पूर्वसभामुख सुवास नेम्वाङ,हालका सर्वोच्चका न्यायाधीश हरिकृष्ण कार्कीलगायतले वहश गरेका थिए ।