काठमाडौं । झापाकी सीमा राई सन् २०२१ मा नर्सिङ पढ्न अस्ट्रेलिया आइन्। कोरोना माहामारी र त्यसको प्रभावले उनलाई पढाइसँगै करियर अगाडि बढाउन निकै गाह्रो भयो।

खर्च धान्न गाह्रो भएपछि साथीहरूले उनलाई सिड्नीको एक कन्सलटेन्सीमा जान सुझाए। त्यहाँ उनलाई कुकरीमा डिप्लोमा पढ्न सल्लाह दिइयो र त्यसका लागि अफर लेटर समेत आयो।

आर्थिक रूपमा केही हल्का हुने र स्थायीत्वका लागि सहयोगी हुने भनिएकाले उनी कुकरी पढ्न राजी भइन्।

उनीसँग तीन वर्षको भिसा थियो। अकस्मात घर जानुपर्ने भयो, नयाँ पढाइ र कामको बिचमा घर पुगेर आइहाल्छु भनेर उनी नेपाल गइन्।

अप्रिल २१ मा उनको अष्ट्रेलिया फर्कने टिकट थियो। अचानक १९ तारिख राती अस्ट्रेलियन अध्यागमन विभागबाट उनलाई इमेल आयइमेल खोलेर हेर्दा उनी छाँगाबाट खसेजस्तै भइन्। त्यसमा लेखिएको थियो(तिम्रो भिसा रद्द गरिएको छ।

ब्याचलर अफ नर्सिङ पढ्न आएकी शिवानीले डिप्लोमा भर्ना गरेपछि अध्यागमनले उनको भिसा रद्द गरेको रहेछ।एउटा शैक्षिक परामर्शदाताको गलत सल्लाहले विद्यार्थीको भविष्यनै बिग्रन सक्छ भन्ने यो ज्वलन्त प्रमाण हो यो।