• काठमाडौं । गएको २४ घण्टामा ३४८ जनामा कोरोना संक्रमण देखिएको स्वास्थ्य तथा जनसंख्या मन्त्रालयले पुष्टि गरेको छ । यो संख्यासँगै अहिलेसम्म नेपालमा २ लाख ६७ हजार ९ सय ९२ संक्रमित भएका छन् । त्यसैगरी कोरोना संक्रमणबाट हालसम्म मृत्यु हुनेको संख्या १ हजार ९६९ जना पुगेको मन्त्रालयले जनाएको छ । २४ घण्टामा मात्रै थप ४ को मृत्यु भएको छ ।

    मन्त्रालयका अनुसार मंगलबार ४४१ जना संक्रमणमुक्त भएका छन् । यसरी हालसम्म निको हुनेको संख्या २ लाख ६२ हजार २ सय ५९ पुगेको छ । आज थपिएका सहित देशभरि सक्रिय संक्रमितको ३ हजार ७ सय ६४ पुगेका छन् भने कोरोनाको आशंकामा अहिले क्वारेन्टाइनमा रहनेको संख्या १ सय ९० रहेको छ ।

    नेपालमा अहिलेसम्म २० लाख २१ हजार ७ सय १४ वटा नमूनाको पीसीआर विधिबाट परीक्षणहरु गरिसकिएको मन्त्रालयको तथ्यांकमा उल्लेख गरिएको छ ।