• काठमाडौं । पछिल्लो २४ घण्टामा देशभरी १ हजार ४७४ मा कोरोना संक्रमण भेटिएको विवरण स्वास्थ्य तथा जनसंख्या मन्त्रालयले सार्वजनिक गरेको छ । यस अवधिमा ९ हजार ९११ वटा नमूनाको पीसीआर परीक्षण भएका थिए । यीसँगै अहिलेसम्म नेपालमा कुल संक्रमितको संख्या २ लाख ३३ हजार ४ सय ५२ पुगेको मन्त्रालयले जनाएको छ । मन्त्रालयको अनुसार सोमबारसम्म कोरोनाकै कारण ज्यान गुमाउने १ हजार ५०८ पुगेका छन् । २४ घण्टामा मात्र थप २९ जनाको मृत्यु भएको मन्त्रालयले पुष्टि गरेको छ ।

    मन्त्रालयले सोमबार सार्वजनिक गरेको विवरण अनुसार यसै अवधिमा १ हजार ९३१ जना डिस्चार्ज भएका छन् । यसरी अहिलेसम्म नेपालमा कोरोनामुक्त भएर निको हुनेको संख्या २ लाख १४ हजार ५२१ जना पुगेको छ । त्यसैगरी बाँकी सक्रिय संक्रमितको संख्या १७ हजार ४२३ पुगेको छ भने देशभरका क्वारेन्टिनमा ५३५ जना बसिरहेका पनि मन्त्रालयको तथ्यांकमा उल्लेख गरिएको छ ।