• काठमाडौं । गएको २४ घण्टामा थप १ हजार ९ सय ४६ जनामा कोरोनाभाइरस संक्रमण देखिएको स्वास्थ्य तथा जनसंख्या मन्त्रालयले पुष्टि गरेको छ । मन्त्रालयले सार्वजनिक गरेको विवरण अनुसार यीसँग नेपालमा कोरोना संक्रमितको अहिलेसम्म कुल संख्या २ लाख ८ हजार २९९ पुगेको छ । २४ घण्टाको अवधिमा ८ हजार ७ सय ५३ वटा नमूनाको पीसीआर परीक्षण भएको मन्त्रालयले जानकारी दिएको छ ।

    त्यसैगरी यस अवधिमा २ हजार ५ सय ३ जना कोरोनामुक्त भएका छन् । यसरी अहिलेसम्म निको हुनेको संख्या १ लाख ७० हजार ६३२ पुगेको छ । यसै अवधिमा थप १३ जनाको मृत्यु भएको मन्त्रालयले पुष्टि गरेको छ । यसरी अहिलेसम्म कोरोनाकै कारण ज्यान गुमाउनेको संख्या १ हजार २ सय १५ पुगेको छ ।

    मन्त्रालयका अनुसार बाँकी सक्रिय संक्रमितको ३६ हजार ४५२ पुगेको छ भने हाल देशभर कोरोनाका आशंकामा एक हजार ५७ जना क्वारेन्टाइनमा रहेका छन् । नेपालमा अहिलेसम्म १६ लाख २ हजार ६ सय ३ जनाको पीसीआर परीक्षण गरिएको मन्त्रालयको तथ्यांकमा उल्लेख गरिएको छ ।