• काठमाडौं । विगत २४ घण्टामा थप २ हजार ७५३ जनामा कोरोनाभाइरस संक्रमण देखिएको स्वास्थ्य तथा जनसंख्या मन्त्रालयले पुष्टि गरेको छ । मन्त्रालयलले शनिबार सार्वाजनिक गरेको तथ्यांक अनुसार यस अवधिमा १० हजार ४ सय २३ पीसीआर परीक्षण भएकोमा उक्त संख्यामा नयाँ संक्रमित थपिएका हुन् । यीसँगै नेपालमा अहिलेसम्म कोरोना संक्रमितको कुल संख्या १ लाख ९१ हजार ६ सय ३६ पुगेको छ ।

    त्यसैगरी आज थपिने नयाँ संक्रमितमा काठामाडौं उपत्यकाबाट मात्रै १ हजार ५१२ रहेको मन्त्रालयको विवरणमा उल्लेख गरिएको छ । यीमध्ये ६ सय २५ महिला र ८ सय ८७ पुरुष रहेका छन् । जसमा काठमाडौंमा १ हजार २ सय ९०, ललितपुरमा १ सय ४१ र भक्तपुरमा ७७ जना छन् ।

    कुल संक्रमितमध्ये हालसम्म १ लाख ५५ हजार ११४ जना कोरोनामुक्त भएका छन् भने शनिबार मात्र २ हजार २०६ डिस्चार्ज भएर घर फर्किएका छन् । त्यस्तै यस अवधिमा थप १७ को कोरोना संक्रमणबाट मृत्यु भएको मन्त्रालयले पुष्टि गरेको छ । यसरी अहिलेसम्म कोरोनाकै कारण ज्यान गुमाउनेको कुल संख्या १ हजार ८७ पुगेको छ । मन्त्रालयको अनुसार बाँकी सक्रिय संक्रमितको संख्या अहिलेसम्म ३५ हजार ४३५ पुगेको छ । यस्तै कोरोना संक्रमणको आशंकामा हाल १ हजार १ सय ४४ जना क्यारेन्टाइनमा बसिरहेका छन् ।