• काठमाडौं । विगत २४ घण्टामा २,३६४ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले बिहीबार जानकारी दिएको छ । मन्त्रालयका अनुसार यस अवधिमा ९ हजार ७६९ वटा नमूनाको पीसीआर परीक्षण भएको थियो । यीसँग नेपालमा कोरोना संक्रमितको कुल संख्या १ लाख ६४ हजार ७१८ जना पुगेको छ ।

    आज थपिने नयाँ संक्रमितमा काठमाडौं उपत्यकाबाट मात्र एक हजार ६१५ रहेको तथ्यांक मन्त्रालयले बिहीवार सार्वजनिक विवरणमा जनाएको छ । जसमध्ये काठमाडौंमा १ हजार ३३८, ललितपुरमा १८० र भक्तपुरमा ९७ जना रहेका छन् ।

    त्यसैगरी २४ घण्टामा ३ हजार ३८ कोरोना मुक्त भई डिस्चार्ज भएका छन् । यसरी अहिलेसम्म १ लाख २४ हजार ८६२ निको भएका छन् । भाइरसबाट मुक्त हुने दर ७५.८ प्रतिशत रहेको छ । यस्तै, कुल संक्रमितमध्ये हालसम्म ९ सय ४ जनाको मृत्यु भएको छ । बिहीबार थप १७ जनाको मृत्यु भएको मन्त्रालयले पुष्टि गरेको छ ।

    त्यसैगरी देशभर सक्रिय संक्रमितको संख्या हालसम्म ३८ हजार ९५२ पुगेको मन्त्रालयलको तथ्यांकमा उल्लेख गरिएको छ ।