• काठमाडौं । बुधबार काठमाडौं उपत्यकामा मात्र थप १ हजार ४०३ जनामा कोरोना संक्रमण पुष्टि भएको छ । तीमध्ये काठमाडौंका ९९६, ललितपुरका ३०५ र भक्तपुरका १०२ जना रहेको स्वास्थ्य तथा जनसंख्या मन्त्रालयले नियमित कोभिड–१९ अपडेटका क्रममा जानकारी दिएको छ ।

    त्यसैगरी उपत्यकाका सहित २४ घण्टाको अवधिमा देशभरबाट २ हजार ६३८ जनामा संक्रमण देखिएको मन्त्रालयका प्रवक्ता डा. जागेश्वर गौतमले बताए । उनका अनुसार यस अवधिमा २ हजार १७४ जना डिस्चार्ज भएका छन् भने १२ जनाको मृत्यु भएको छ ।