• काठमाडौं । स्वास्थ्य तथा जनसंख्या मन्त्रालयका अनुसार काठमाडौं उपत्यकामा विगत २४ घण्टामा २ हजार ६७२ जना कोरोना संक्रमित भेटिएका छन् । यीमध्ये काठमाडौंमा २१ सय, ललितपुरमा ३६९ र भक्तपुरमा २०३ जना संक्रमित भएको मन्त्रालयका प्रवक्ता डा. जागेश्वर गौतमले शनिबार जानकारी दिएका छन् । यस अवधिमा १९ हजार ३२० वटा नमुनाको पीसीआर परीक्षण भएका थिए ।

    त्यसैगरी उपत्यकामा भेटिएका २ हजार ६७२ जना सहित देशभरबाट शनिबार एकैदिन ५ हजार ८ जनामा कोरोना संक्रमण पुष्टि हुनुका साथै थप १४ को मृत्यु भएको प्रवक्ता डा. गौतमले जानकारी दिए । यसरी अहिलेसम्म नेपालमा कोरोना संक्रमितको कुल संख्या १ लाख ५ हजार ६८४ पुगेको छ भने तीमध्ये ६१४ जनाको मृत्यु भएको सरकारी तथ्यांकमा बताइएको छ ।

    मन्त्रालयका अनुसार हालसम्म ७४ हजार २५२ जना निको भएर घर फर्किएका छन् भने बाँकी सक्रिय संक्रमितको संख्या ३० हजार ८१८ पुगेको छ ।