• काठमाडौं । स्वास्थ्य तथा जनसंख्या मन्त्रालयका अनुसार आइतबार काठमाडौं उपत्यकामा १५ सय ९९ जनामा कोरोना संक्रमण पुष्टि भएको छ । जसमध्ये काठमाडौंका १३७३, ललितपुरका १८७ र भक्तपुरका ३९ जना रहेको मन्त्रालयका प्रवक्ता डा. जागेश्वर गौतमले जानकारी दिएका छनु ।

    प्रवक्ता डा. गौतमका अनुसार विगत २४ घण्टामा उपत्यकाका १५ सय ९९ सहित मुलुकभरबाट २ हजार २५३ जनामा कोरोना संक्रमण देखिएको छ । यसरी नेपालमा अहिलेसम्म कुल संक्रमित हुनेको संख्या ८६ हजार ८२६ पुगेको छ । त्यस्तै यसै अवधिमा १ हजार ३ सय २९ जना डिस्चार्ज भएसँगै अहिलेसम्म कोरोनामुक्त हुनेको कुल संक्रमितमध्ये ६४ हजार ६९ जना रहेको छ । सक्रिय संक्रमितको संख्या २२ हजार २१९ पुगेका छन् ।

    मन्त्रालयका अनुसार उपत्यकाका २ सहित थप ७ जनाको कोरोना संक्रमणबाट मृत्यु भएको छ । यसरी नेपालमा अहिलेसम्म कोरोनाकै कारण ज्यान गुमाउनेको संख्या ५३५ पुगेको मन्त्रालयको तथ्यांकमा उल्लेख गरिएको छ ।