जापानले प्रक्षेपण गरेको ‘एच–३ रकेट’ले ‘मिचिबिकी नम्बर ५’ उपग्रह कक्षमा पुर्‍याउन असफल बनेको छ ।

जापानको शिक्षा, विज्ञान तथा प्रविधि मन्त्रालयका अनुसार सोमवार ‘मिचिबिकी नम्बर ५’ जापानको क्वासी–जियोस्टेशनरी स्याटेलाइट प्रणाली ९क्यूजेडएसएस० अन्तर्गत राखिएको पाँचौं उपग्रह हो, जसको उद्देश्य जीपीएस सङ्केत सुधार गरेर स्मार्टफोन, कारको नेभिगेसन प्रणाली र अन्य ठाउँ–निर्धारित सेवाहरूमा ठाउँ निर्धारणको शुद्धता बढाउनु हो ।

जापानको अन्तरिक्ष अनुसन्धान निकायले आठौं एच–३ रकेट कागोशिमाको तानेगाशिमा अन्तरिक्ष केन्द्रबाट स्थानीयसमयअनुसार बिहान १० बजेर ५१ मिनेटमा प्रक्षेपण गरेको थियो । तर दोस्रो चरणको इन्जिन समयभन्दा पहिले बन्द भएपछि रकेट असफल भएको चिनियाँ समाचार संस्था सिन्ह्वाले जनाएको छ ।

अन्तरिक्ष निकायले अहिले परिस्थितिको मूल्याङ्कन गर्दै इन्जिन बन्द हुनुको कारण पत्ता लगाउने काम गरिरहेको छ । यो रकेटले बोकेको ‘मिचिबिकी नम्बर ५’ उपग्रह मोबाइल फोन, गाडीका नेभिगेसन प्रणाली र अन्य ठाउँ–निर्धारण सेवाहरूको शुद्धता सुधार्ने उद्देश्य राखेको थियो ।