असोज १२, सिन्धुली

आज बिहान करिब ७:०० बजे राहत शिक्षकको आन्दोलनमा सिन्धुलीबाट काठमाडौं जादै गरेको गाडी सुनकोशी गाउँपालिका ३, बोहोरेटारमा दुर्घटना हुँदा १० जना घाइते भएका छन् ।

सिन्धुलीबाट काठमाडौँतर्फ जादैँ गरेको मधेस प्रदेश ०४–००१ झ ००६२ नम्बरको विद्युतीय गाडी आज (शुक्रबार) सुनकोशी गाउँपालिका ३ स्थीत बोहोरेटारमा दुर्घटना भएको र १० जानै सबार यात्रुहरु घाइते भएका जिल्ला प्रहरी कार्यालय सिन्धुलीले जनाएको छ । आन्दोलनमा सहभागि हुन काठमाडौँ हिडेका सामुदायिक विद्यालयका राहत, अस्थायि, करारका शिक्षक सवार विद्युतीय गाडी दुर्घटना भएको जिल्ला प्रहरी कार्यालयका सिन्धुलीका सुचना अधिकारी प्रहरी नायव उपरिक्षक चिरञ्जिवी दाहालले जानकारी दिनुभयो ।

घाईतेको उपचारको लागि धुलिखेल अस्पताल पठाईएको छ । ईलेक्ट्रिक गाडी आफै अनियन्त्रित भई दुर्घटना हुदा १० जना शिक्षक घाईते भएका छन् । हाल चालक कमलामाइ नगरपालिका ८ का तेजबहादुर कार्की प्रहरी नियन्त्रणमा रहेको प्रहरी नायव उपरिक्षक दाहालले जनकारी दिए।

दुर्घटनामा परि कमलामाई नगरपालिका ६ बस्ने ४६ वर्षीय निर कुमार चालिसे , काभ्रे जिल्ला बनेपा न.पा. १० बस्ने ४० वर्षीया गार्की बस्नेत, कमलामाई न.पा.५ बस्ने ४६ वर्षीया कमला घिमिरे, तिनपाटन गा.पा. १० बस्ने ४० वर्षीय राजन कार्की , कमलामाई.न.पा. १ बस्ने ४१ वर्षीय भुवन थापा , कमलामाई.न.पा. ४ बस्ने ४० बर्षीया बबिता देवकोटा , कमलामाई न.पा. ६ बस्ने ४६ वर्षीय बिष्णु ढकाल , विष्णु ढकालका छोरा ११ वर्षीय निश्चल ढकालको अवस्था मध्यम, र कमलामाई न.पा. ६ बस्ने ४० वर्षीय सरोज थापा अबस्था सामान्य र कमलामाई.न.पा. १ बस्ने ३४ वर्षीय मुकुन्द थापा अबस्था गम्भिर रहेको प्रहरीले जनाएको छ ।