काठमाडौं : पछिल्लो २४ घण्टामा ३२ जनामा कोरोना भाइरसको सङ्क्रमण पुष्टि भएको छ । पीसीआर र एन्टिजेन गरी छ सय ५६ जनाको नमुना परीक्षण गर्दा ३२ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

यही अवधिमा १२ जना कोरोना सङ्क्रमित निको भएर घर फर्किएका छन् । नेपालमा कोरोना भाइरसका सक्रिय सङ्क्रमितको सङ्ख्या एक सय २९ जनामा झरेको छ । सक्रिय सङ्क्रमितमध्ये ११ जना आइसोलेशनमा, तीन जना आईसीयूमा र एक जना भेन्टिलेटरमा उपचाररत रहेका मन्त्रालयले जनाएको छ ।

यस्तै मन्त्रालयका अनुसार पछिल्लो २४ घण्टामा ११ हजार एक सय ११ जनाले कोरोना भाइरसविरुद्धको खोप लगाएका छन् ।