काठमाडौं : पछिल्लो २४ घण्टामा ५५ जनामा कोरोना भाइरस सङ्क्रमण पुष्टि भएको छ । एक हजार सात सय १८ जनाको नमुना परीक्षण गर्दा ५५ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

यही अवधिमा ५३ जना कोरोना सङ्क्रमित निको भएका छन् । स्वास्थ्य मन्त्रालयका अनुसार अहिले कोरोना भाइरसका सक्रिय सङ्क्रमितको सङ्ख्या दुई सय ५२ जना छ ।

यस्तै पछिल्लो २४ घण्टामा दुई हजार चार सय ७७ जनाले कोरोनाविरुद्धको खोप लगाएका मन्त्रालयले जनाएको छ ।