गिभ टु एसियाको आर्थिक सहयोगमा ग्रुप फर टेक्निकल एसिस्टेन्सको आयोजना गाउँपालिका र नगरगपालीकामा एक एक दिने बिपद ब्यवस्थापन अभिमुखीकरण कार्यक्रम भएको छ । गाउँपालिका र नगरपालिकाको समन्वयमा एक एक दिने विपद् व्यवस्थापन अभिमुखिकरण कार्यक्रम भटेकोशी गाउँपालिका र बारह्रविसे नगरपालिकामा सम्पन्न भएको हो ।
सिन्धुपाल्चोकमा आईपरेका र आउने विपद्को समयमा देखिने स्वास्थ्य समस्याका बारेमा कार्यक्रमका प्रशीक्षक रेशम लामिछानेले सहभागीहरुलाई बताएका थिए । विगतको भन्दा फरक अवस्थाका विपद् देखा पर्न थालेकाले सोको समयमा आईपर्ने स्वास्थ्य सम्बन्धि महामारी व्यवस्थापनमा स्वास्थ्य स्वयंसेविकाहरुको ठुलो भुमिका रहेको भोटेकोशि गाउँपालिकाको प्रमुख प्रसाशकिय अधिकृत शिवकुमार राईले बताए । साथै बाह्रविसेको कार्यक्रममा भने प्राथमिक स्वास्थ्य केन्द्रका प्रमुख निशान्ता शर्मा, नगर स्वास्थ्य शाखाका निरिक्षक लगाएतको उपस्थिति रहेको थियो ।
त्यस्तै ग्रुप फर टेक्निकल एसिस्टेन्सले भोटेकोशि गाउँपालिकाका ८५ र बाह्रविसे नगरपालिकाका १०१ घरपरिवारलाई राहत समाग्रि समेत बितरण गरिएको संस्थाका सचिव भोला चौधरिले बताए । चौधरीका अनुसार वितरण गरिएको राहत सामग्रीमा प्रेसर कुकर, कराई, थाल, लगाएत २७ किसिमका रहेका छन् ।