• काठमाडौं । गएको २४ घण्टामा थप ३०२ जनामा कोरोना संक्रमण देखिएको स्वास्थ्य तथा जनसंख्या मन्त्रालयले पुष्टि गरेको छ । जसमा महिला १३३ र पुरुष १६९ रहेका छन् । यस अवधिमा ३ हजार ५४५ वटा नमूनाको पीसीआर परीक्षण भएको मन्त्रालयले जनाएको छ । यीसँगैसँगै नेपालमा अहिलेसम्म संक्रमितको संख्या २ लाख ६८ हजार ९ सय ४८ पुगेको छ ।

    त्यसैगरी नेपालमा अहिलेसम्म कोरोना संक्रमणबाट ज्यान गुमाउनेमा १ हजार ९८६ जना पुगेको छ । २४ घण्टामा मात्रै ७ को मृत्यु भएको मन्त्रालयले पुष्टि गरेको छ ।

    मन्त्रालयका अनुसार शुक्रबार ४८० जना कोरोनामुक्त भएर डिस्चार्ज भएका छन् । यसरी अहिलेसम्म निको निको हुनेको संख्या २ लाख ६३ हजार ३ सय ४८ पुगेको छ । देशभरि बाँकीसक्रिय संक्रमितको संख्या भने ३ हजार ६ सय १४ रहेको छ । क्वारेन्टाइनमा १ सय ५८ जना रहेको छन् । नेपालमा हालसम्म पीसीआर विधिबाट २० लाख ३५ हजार ३ सय १ परीक्षणहरु भएका छन् ।