• काठमाडौं । विगत २४ घण्टामा थप ५३४ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ । जसमा १९६ महिला र ३३८ पुरुष संक्रमित भएका छन् । यस अवधिमा ६ हजार नमूनाको पीसीआर परीक्षण भएका थिए । यीसँगै नेपालमा कोरोना संक्रमितको हालसम्मको संख्या २ लाख ६० हजार ५९४ पुगेको छ ।

    त्यसैगरी बिहीबार थप ४४७ जना कोरोनामुक्त भई डिस्चार्ज भएका छन् । यसरी अहिलेसम्म कोरोनाबाट निको २ लाख ५२ हजार ३५९ संख्या पुगेको छ भने यससम्बन्धी संक्रमणका कारण ज्यान जानेको संख्या १ हजार ८५६ रहेको मन्त्रालयको तथ्यांकले देखाएको छ । २४ घण्टामा मात्रै थप ९ जनाको भएको छ ।

    मन्त्रालयका अनुसार देशभर सक्रिय संक्रमितको संख्या ६ हजार ३७८ पुगेको छ । त्यस्तै कोरोनाको आशंकामा ३६२ जना क्वारेन्टाइनमा बसिरहेका छन् । नेपालमा अहिले १९ लाख ३२ हजार ४७७ पीसीआर परीक्षण भएका छन् ।