• काठमाडौं । गएको २४ घण्टामा काठमाडौं उपत्यकामा मात्र ८ सय ९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले बताएको छ । यसरी पुष्टि हुनेमा ३ सय ६१ महिला र ४ सय ४८ जना पुरुष रहेका छन् । जसमा काठमाडौंमा ६ सय १५, ललितपुरमा १ सय २५ र भक्तपुरमा ६९ जना छन् ।

    मन्त्रालयले सोमबार सार्वजनिक गरेको विवरण अनुसार उपत्यका सहित देशभरबाट १ हजार ४ सय ७४ जना कोरोना संक्रमित थपिएका छन् भने यसै अवधिमा २९ जनाको मृत्यु भएको छ । त्यसैगरी १ हजार ९ सय ३१ जना कोरोनामुक्त भएर डिस्चार्ज भएका छन् भने बाँकी सक्रिय संक्रमित १७ हजार ४ सय २३ पुगेको छ भने देशभरका क्वारेन्टिनमा ५ सय ३५ जना बसिरहेका पनि मन्त्रालयको तथ्यांकमा उल्लेख गरिएको छ ।