• काठमाडौं । आइतरबार थप २ हजार ९४२ जना कोरोना संक्रमण देखिएको छ । स्वास्थ्य तथा जनसंख्या मन्त्रालयको नियमित कोभिड–१९ ब्रिफिङका क्रममा प्रवक्ता डा. जागेश्वर गौतमले उल्लेखित संख्याको पुष्टि गरेका हुन् । उनका अनुसार २४ घण्टाको अवधिमा १४ हजार ८७५ पीसीआर परीक्षण भएका थिए । यीसँग नेपालमा हालसम्म कोरोना संक्रमितको संख्या १ लाख ३२ हजार २४६ पुगेको छ ।

    त्यसैगरी प्रवक्ता गौतमका अनुसार यस अवधिमा २३ सय २६ जना कोरोनामुक्त भएर डिस्चार्ज भएका छन् । यसरी अहिलेसम्म नेपालमा कोरोना जित्नेको संख्या ९२ हजार १६६ पुगेको छ । यो निको हुने दर ६९ दशमलव ७ प्रतिशत हो । आज थपिएका नयाँ संक्रमितसहित देशभर सक्रिय संक्रमितको संख्या ३९ हजार ३४१ पुगेको छ । तीमध्ये संस्थागतमा १२ हजार ३३३ र होम आइसोलेशनमा २६ हजार ४०८ जना छन् ।

    २४ घण्टामा थप १२ जनाको कोरोनाबाट मृत्यु भएको मन्त्रालयले पुष्टि गरेको छ । नेपालमा अहिलेसम्म यसरी ज्यान गुमाउनेको संख्या ७३९ पुगेको छ ।