नेपाल कम्युनिस्ट पार्टी (नेकपा) ले पार्टीबाट प्रतिनिधित्व गर्ने उपसभामुख शिवमाया तुम्बाहम्फेलाई पदबाट राजीनामा दिन निर्देशन दिएको छ ।

प्रधानमन्त्री निवास, बालुवाटारमा शनिबार बसेको बैठकले उपसभामुख तुम्बाहम्फेलाई राजीनामा दिन निर्देशन दिएको हो । नेकपाबाट सभामुखमा उम्मेद्वारी दिने प्रयोजनका लागि पार्टीबाट उपसभामुख बनेकी तुम्बाहम्फेले राजीनामा दिनुपर्ने बैठकले निर्णय गरेको पार्टी प्रवक्ता नारायणकाजी श्रेष्ठले जानकारी दिए ।

‘नेकपाबाट सभामुखमा उम्मेद्वारी दिने प्रयोजनका लागि पार्टीका तर्फबाट उपसभामुख रहनुभएकी डा। शिवमाया तुम्बाहम्फेले राजीनामा दिनुपर्ने बैठकले निर्णय गरेको छ ।’ श्रेष्ठले भने ।

सभामुख चयन प्रक्रिया अघि बढाउन आइतबार प्रतिनिधिसभाको बैठक बोलाइएको छ ।