यस वर्षको रसायनशास्त्रतर्फको नोबेल पुरस्कार फ्रान्सका हेनरी कागन र जापानका केन्सो सोईलाई प्रदान गरिने भएको छ ।

जैविक पदार्थ निर्माणमा हुने विशेष प्रकारको रासायनिक प्रक्रिया र स्वतः उत्प्रेरणासम्बन्धी खोजका लागि नोबेल समितिले हेनरी र केन्सोलाई पुरस्कृत गर्ने निर्णय गरेको हो । उहाँहरूले संयुक्त रूपमा १ करोड १० लाख स्वीडिश क्रोनर नगद पुरस्कार र पदक प्राप्त गर्नुहुनेछ ।

गएको वर्ष यो पुरस्कार नयाँ आणविक संरचनाको विकासका लागि तीन जना वैज्ञानिकलाई प्रदान गरिएको थियो । ती संरचनाले ठूलो मात्रामा ग्यास थुन्न सक्ने भएकाले वातावरणबाट हरितगृह ग्यास सोस्ने तथा मरुभूमिजस्ता सुक्खा क्षेत्रबाट आद्रता प्राप्त गर्ने प्रविधिको आधार तयार भएको थियो ।

यस वर्षको नोबेल पुरस्कारअन्तर्गत अस्ति चिकित्साशास्त्रतर्फ, हिजो भौतिकशास्त्रतर्फका विजेताको नाम घोषणा भएको थियो । अब भोलि साहित्य, पर्सि शान्ति र आउँदो सोमवार अर्थशास्त्रतर्फका विजेताको नाम घोषणा हुनेछ ।

विगत १२ महिनामा मानव जातिका लागि उच्चतम लाभ हुने काम गरेका व्यक्तिलाई नोबेल पुरस्कार प्रदान गरिन्छ ।