प्रशासन सेवा र प्राविधिक सेवाका बारेमा बिश्वभर बहश छ । नेपालको सन्दर्भमा पनि बेलाबेला फरक धारणा आइरहेका छन् । यस्ता फरकखालका धारणाले आमसर्वसाधारण पनि अलमलमा परेका छन् । त्यसकारण यी बिषयमा स्पष्ट हुनु जरुरी छ ।
१. प्रशासन सेवा प्राविधिक सेवाको सहयोगी सेवा हो ।
२. प्रशासन सेवा प्राविधिक सेवाको व्यवस्थापकीय सेवा हो ।
संसारका धेरै देशमा पहिलो मान्यता र केही देशमा दोस्रो मान्यता अवलम्बन गरिएको पाइन्छ ।
समानता, स्वतन्त्रता र भ्रातृत्वमा आधारित उच्च सामाजिक मूल्यमान्यता भएका देशमा पहिलो मान्यता र मान्छेलाई ठूलोसानो मान्ने सामाजिक मूल्यमान्यता भएका देशमा दोस्रो मान्यता अवलम्बन गरेको पाइन्छ । साथै हिजो बेलायतले उपनिवेश लादेका देशमा समेत दोस्रो मान्यता अवलम्बन गरेको पाइन्छ ।
मुलुककै प्रथम दर्जाका मेधावी विद्यार्थीहरु प्राविधिक विषय पढेर डाक्टर, ईञ्जिनियर, कृषि विज्ञ, पशुविज्ञ आदि बनेर आउँछन् अनि सामान्यतया द्वितीय दर्जाका विद्यार्थीहरु के के विषय पढेर प्रशासन सेवाका कर्मचारी बनेर आउँछन् ।
अनि प्राविधिकलाई चलाउने हामीले हो भन्छन् । उच्च नीति निर्माता समेत प्रशासन सेवाको संरक्षक र प्रवक्ता बन्छन् अनि प्राविधिक कर्मचारी प्रति कठोर बन्छन् ।
जबसम्म मान्छेको क्षमताको उचित कदर गरिंदैन तबसम्म ‘सक्षम निजामती प्रशासन विकास, समृद्धि र सुशासन’ आकाशको फल आँखा तरी मर हुने कुरामा दुईमत होला र ?