काठमाडौं । सरकारले सिनेमा पर्यटनको प्रवर्द्धनमा जोड दिने भएको छ । आगामी आर्थिक वर्षको नीति तथा कार्यक्रम यो बिषय उल्लेख गरिएको छ ।

कार्यक्रममा उल्लेख भए अनुसार छायांकनका लागि नेपालमै कार्यक्रम सञ्चालन गरी सिनेमा पर्यटनको प्रवर्द्धन गरिनेछ। सिनेमा तथा छायांकनका लागि नेपाल आउने विदेशीको लागि आवश्यक पर्ने सम्पूर्ण सेवाहरू एकद्वार प्रणालीमार्फत् उपलब्ध हुने व्यवस्था मिलाइनेछ। छायांकनका लागि विदेशीहरूको आकर्षण वृद्धि गर्न आवश्यक कदम चालिने बताईएको छ ।