काठमाडौं । मन्त्रालयमा आईतवार बोलाइएको चौमासिक समीक्षा बैठक चलचित्र विकास बोर्डकी अध्यक्ष निकिता पौडेलले बहिष्कार गरेकीछन् । खवर गर्दागर्दै पनि अटेर गरी अनुपस्थित भएपछि सञ्चार तथा सूचना प्रविधि मन्त्री गोकुल बाँस्कोटाले चलचित्र बिकास बोर्ड्की अध्यक्ष निकिता पौडेलसङ्ग कडा स्पस्टिकरण सोध्न निर्देशन दिएका छन् । उनलाई पदच्युत गर्नेसम्मको कार्वाही हुनु पर्ने दवाव बढेको छ । भर्खर मन्त्रालयका पदाधिकारीहरुलाई मन्त्रीले कडा निर्देशन दिएका हुन् । बैठकमा उक्त बोर्डको प्रगति विवरणसम्बन्धी एजेन्डा पनि थियो,जसमा आफ्ना कुरा राख्न निकिताको उपस्थिति देखिएन । अध्यक्ष नआएपछि मन्त्रीले सहसचिव राधिका अर्याललाई खवर गरेको बिषयमा सोधेका थिए । अर्यालले खवर गरेको बताएपछि अध्यक्ष पौडेल बैठकमा उपस्थित नभएको बिषयमा स्पष्टिकरण सोध्न मन्त्रीले निर्देशन दिएका छन् ।
भर्खरै बिहे गरेकी पौडेलले हनिमुनका लागि बिदा लिएको अनुमान पनि केहीले गरेका थिए । तर, उनी बिदामा भएको पनि कतै खुलेको छैन । यस वारेमा प्रतिकृयाका लागि पौडेलसँग सम्पर्क गर्दा सम्पर्क हुन सकेन । अघिल्लो सरकारका पालमा नियुक्त भएकी पौडेललाई यो सरकारले बिदा दिएको थियो । तर, अदालतको आदेशमा उनी पुनः फर्केकी थिईन । अदालत गए जान्छन् तर सधैं यसरी मनपरि गर्न पाईँदैन भन्दै पौडेलबिरुद्ध कडा कमद चाल्ने मन्त्रालय स्रोतले जानकारी दियो ।