-
काठमाडौं ।
अख्तियार दुरुपयोग अनुसन्धान आयोगमा दक्ष कर्मचारी पर्याप्त नभएको खुलासा भएको छ । बिहीबार संसदीय सुनुवाइ विशेष समितिमा आफ्नो कार्ययोजना पेश गर्दै प्रस्तावित प्रमुख आयुक्त नवीन घिमिरेले आयोगलाई विज्ञ कर्मचारी आवश्यक रहेको बताएपछि यसको खुलासा भएको हो । आयुक्तको रुपमा लामो समय काम गरेका घिमिरेले कार्यवाहक प्रमुख आयुक्तको रुपमा पनि काम गरेका छन् । उनले अनुसन्धनको कारण पनि भ्रष्टाचार नियन्त्रण चुनौतीपूर्ण बन्दै गएको बताए । अख्तियारभित्रै पनि भ्रष्टाचारको आन्तरिक अनुसन्धान सुरु गर्न लागिइको उनले जानकारी दिका छन् ।
चुनाव पनि बढी खर्चिलो भएको भन्दै उनले त्यसमा सुधार गर्नुपर्ने बताए प्रमुख सिफारिस हुनुअघि अख्तियारकै आयुक्त रहेको घिमिरेले अख्तियारले भ्रष्टाचार र अनुचित कार्य छुट्याएर काम गर्न थालेको उनले बताए ।
आफूले जिम्मेवारी पाए २ वर्षे कार्यकालमा कानुनी र नितिगत सुधारको प्रयास गर्ने प्रतिवद्धता जनाए । भ्रष्टाचार नियन्त्रणका लागि अग्रसरता लिने र ठेक्का लिने तर काम नगर्ने प्रवृत्ति अन्त्यका लागि विशेष निगरानी गर्ने उनले बताए ।
