काठमाडौं । देशले नयाँ प्रधानसेनापति पाएपछि सेनालाई ब्यवसाय वाट अलग गर्ने निर्णय भएको छ । नेपाली सेना भित्र यसलाई एउटा ‘क्रान्तिकारी’ निर्णय मानिएको छ । पूर्णचन्द्र थापा नयाँ सेनापति हुँदानहुँदै आएको क्रान्तिकारी निर्णयले आर्मी अफिसर्स क्लबमा बिहे बटुलो र ब्रतबन्ध इत्यादिमाथि लगाइएको प्रतिबन्ध लगाएको हो ।

भद्रकालीस्थित आर्मी क्लबमा पीटी परेड खेल्ने ठाउँसमेत मिचेर ए, बी इत्यादि क्म्प्लेक्स भवनहरु बनाएर पार्टी, बिहे, भोजभतेर इत्यादि व्यापार बिजनेस फस्टाएको थियो ।

सेनाले पार्टी प्यालेस नै चलाएर ब्यापारिक काम गर्न नहुने भन्दै नागरिक समुदायबाट आलोचना भइरहेका बेला थापाले त्यो बिजनेस बन्द गरिदिएका छन् । देशको राष्ट्रिय सेना ब्यापारिक संस्था होइन भन्ने सन्देश थापाले सुरुमै दिन खोजेका छन् । अन्य ब्यवसायिक काम भने के हुन्छ हेर्न बाँकी छ । सेनाले बिभिन्न क्षेत्रमा लगानी समेत गरेर आलोचना खेप्दै आएको छ ।