-
रुपन्देही ।
प्रदेश ५ मन्त्रिपरिषदको वैठकले प्रदेश सरकारका ६ वटै मन्त्रालयमा हाल केन्द्र सरकारले तोकेको दरबन्दी अपुग रहेको ठहरसहित कर्मचारी बढाउन माग गरेको छ ।
हाल केन्द्रले २७ सय १४ जना कर्मचारीको दरबन्दी तोकेको छ, हामीले यो संख्या अपुग भयो भनेर ३१ सय ५७ जना माग गर्ने निर्णय गरेका छौं ।केन्द्र सरकारले मुख्यमन्त्री तथा मन्त्रिपरिषद कार्यालयलाई ५२ जना तोकेकामा प्रदेश मन्त्रिपरिषदले यसमा भने बढाउन मागेको छैन । आन्तरिक मामिला तथा कानून मन्त्रालयमा ३८ जनाबाट बढाएर ५२ जना, आर्थिक मामिला तथा योजना मन्त्रालयमा ६७ जनाबाट ७७ जना, भौतिक पूर्वाधार विकास मन्त्रालयमा ६ सय ७ जनाबाट ७ सय ८ जना कर्मचारी पुर्याउन प्रदेश सरकारले माग गरेको छ ।
उद्योग, पर्यटन, वन तथा वातावरण मन्त्रालयमा १२ सय ३८ जनाबाट १३ सय ५७ जना, सामाजिक विकास मन्त्रालयमा २ सय ३३ जनाबाट ३ सय ८५ जना र भूमि व्यवस्था, कृषि तथा सहकारी मन्त्रालयमा ४ सय ४३ जनाबाट ४ सय ६१ जना कर्मचारी दरबन्दी पुर्याउन प्रदेश सरकारले माग गरेको छ ।
‘नयाँ बनेको प्रदेश सरकारका लागि संगठन संरचना धेरै महत्वपूर्ण विषय हो, कर्मचारीको पर्याप्तता नभई वजेट खर्च गर्ने सक्ने स्थिति रहन्न, त्यसैले केन्द्र सरकारले यसलाई गम्भीरताका साथ लिएर दरबन्दी बढाउने उनीहरुको बिश्वास छ । ‘हामीले मागे अनुसार केन्द्रले कर्मचारी दरबन्दी दियो भने शतप्रतिशत वजेट खर्च गरेर देखाउँछौं ।’ सरकारका प्रबक्ता बैजनाथ चौधरीले बताए ।
