काठमाडौं ।

वातावरण मन्त्रीबाट संघीय मामिला तथा स्थानीय विकास मन्त्रालयको जिम्मेवारी सम्हालेपछि मन्त्री लालबाबु पण्डितले पहिलाजस्तै कुशल नेतृत्व गर्ने धेरैको आश थियो । तर, उनले आफ्नो पहिलेको छविलाई जोगाई राख्न सकेनन् । जस्तो कर्मचारी सरुवा तथा भिआर एसको बारेमा सुरुमै विवादमा परे । उनले मन्त्रालयमा च्यापेका कर्मचारीका कारण पनि मन्त्री पण्डितको ओज घटेको मन्त्रालयकै कर्मचारीले चर्चा गर्न थालेका छन् ।
कर्मचारीको सरुवा तथा पदस्थापनमा नियमभन्दा बाहिर नजाने मन्त्रीको विचार प्रशंसनीय भएपनि सामान्यका कर्मचारीकै कारण उनी झन बद्नाम बन्दै गए । एक महिनाअघि शाखा अधिकृतमा उतिर्णलाई जिम्मेवारी दिने सवालमा पनि सामान्य प्रशासन मन्त्रालयको कर्मचारी प्रशासन शाखाका कर्मचारीको मनोमानी देखियो । कतिसम्म भने, मन्त्रीले मेरिटका आधारमा स्थान रोज्न लगाउने बताए । त्यो कुरा सवैलाई भनियो । तर, कप्रका कर्मचारीले राम्रो ठाउँमा माग भएको कोटालाई लुकाएर ती ठाउँमा आफ्ना नजिकका मानिसलाई पठाए । यसो गर्नेमा कप्रका प्रेमप्रसाद लुईटेल, शाखा अधिकृत गुणराज भट्राई, र अर्का शाखा अधिकृत बिष्णुहरि बरालको भूमिका छ । लुँइटेल सधैभरी सुगममा बस्नेमा गनिन्छन् । रुपन्देहीबाट काठमाडौंको सहायक सिडियो भएर जिप्रका काठमाडौं आएका उनलाई त्यसपछि सामान्यको कर्मचारी प्रशासन शाखमा उनै पण्डितले ल्याएका थिए । रुपन्देहीमा हुँदा पनि लुँईटेल आर्थिक अपारदर्शीमा परेका कर्मचारी हुन् ।
त्यसोत नेपाल निजामती कर्मचारी संगठनका उपाध्यक्ष जीवन भण्डारीले आइतबार संघीय मामिला तथा सामान्य प्रशासन मन्त्रालयका कर्मचारी प्रशासनका उपसचिव प्रेमप्रसाद लुईटेल र ऋषिराज आचार्यलाई हातपात गरेको चर्चा खुव भयो । कर्मचारी सरुवाको बिषयमा विवाद भएपछि भण्डारीले टेबुल ठोकेका थिए । कर्मचारी सरुवामा असह्य भएपछि यो हर्कत गर्नु परेको मन्त्रालय वरपर हल्ला चलेको थियो । उपसचिव आचार्यमाथि भएको आक्रमणको कारण कप्रका कर्मचारीले गरेको विभेदको आक्रोस थियो । सरुवामा यति धेरै बदमासी भएको छ कि महालक्ष्मी नगरपालिकामा नेकपाका समर्थक उपसचिव धु्रव खड्कालाई हटाएर नेपाली काँग्रेस समर्थक लक्ष्मी रेग्मीलाई पठाइएको छ । उनलाई मेयर रामेश्वर श्रेष्ठले हाजिर गराउनै अस्वीकार गर्दैआएका छन् । त्यसोत सिन्धुपाल्चोकको मेलम्ची नगरपालिकाका कार्यकारी अधिकृत देविप्रसाद थपलिया हटाउन स्थानीय तहवाट खुवै दवाव परेको छ । तर, सचिव थपलियाको भतिजो भएका कारण केटो टाठो छ भन्दै सचिव थपलियाले आलटाल गरेको स्थानीयहरु वताउँछन् । स्थानीय तहमा उनले भूमिका निर्वाह गर्न नसकेको जनप्रतिनिधिहरुको भनाई छ ।
२०७० सालको संविधानसभा पछि शुसिल कोइराला नेतृत्वको सरकारमा सामान्य प्रशासन मन्त्री बनेका लालबाबु पण्डित चर्चामा थिए । डिभि पीआर लिएका कर्मचारीको कडाईमा उनले लिएको अडानका कारण चर्चित बने । त्यही कारण नै गत आम निर्वाचनसम्म उनको सवैतिर हाई हाई भयो । त्यही रापले नै नेपाली काँग्रेसका प्रभावशाली नेता शेखर कोइरालालाई मोरगबाट हराउन सफल भए । तर, निर्वाचनमा विजयी भएदेखि घट्न थालेको उनको ग्राफ अहिलेसम्म उक्लिन सकेको छैन । यसको कारण अरु नभएर स्वयम मन्त्री पण्डित नै हुन् । निर्वाचिनमा विजयी हुँदा वित्तिकै अर्थमन्त्री पाएर राजश्व दोव्वर बनाउने र गृहमन्त्रीको जिम्मा पाए ६ महीनाभित्र अपराधलाई शून्यमा झार्ने प्रतिकृया दिएर उनले आफ्नो ओझलाई घटाएका थिए ।
तर, पहिलेको लोकप्रियताकै कारण केपी ओली प्रधानमन्त्री भएकै दिनमा वन तथा वातावरण मन्त्री बनेका उनले पुनः त्यस्तै हावादारी गफ गरेर आफ्नो ओझलाई घटाए । उनलाई क्षमतावान भनेर बुझ्नेहरुले समेत हावादारी मन्त्री भन्न थाले । मन्त्री पण्डितले वातावरण मन्त्री हुनेवित्तिकै काठमाडौंलाई एकवर्ष भीत्र माक्समुक्त बनाउने घोषणा गरेका थिए । तर, त्यो उनको बहस भन्दा बाहिरको कुरा थियो ।
कर्मचारी सरुवा गर्दा आर्थिक आतंक नै मच्चाएपछि उनको स्वकीय सचिव ओसिम आलमले जागिर छोड्नु परेको थियो । अहिले पनि मन्त्रीले सचिव थपलिया र सहसचिव रुद्रसिंह तामाङले मन्त्री चलाईरहेका सचिवालयमा नै हल्ला छ । बिभिन्न आर्थिक मालदार ठाउँमा आफ्ना मान्छे पठाएर यी दुईले ब्रह्मलुट मच्चाउँदा पनि मन्त्री पण्डित भने मुकदर्शक बनेका छन् ।

जनप्रशासन पाक्षिकवाट